Përfundoi pjesa e parë e finales së Copa del Rey, midis Sevilla-Barcelona. Një pjesë e parë që ka folur vetëm për blaugranat, që kanë zhvilluar një ndeshje spektakolare. Goli i parë i ndeshjes u shënua nga sulmuesi uruguaian, Luis Suarez. Ky gol erdhi në minutën e 14-të pas një kundërsulmi të shpejtë nga ana e Barcelonës, dhe nga një assist të Philippe Coutinho-s.
Goli i dytë në këtë ndeshje mban firmën e yllit të ekipit Lionel Messi, i cili ka përfituar nga një assist të Jordi Alba, duke e dyfishuar rezultatin. Atëherë kur mendohej që pjesa e parë do përfundonte me këtë rezultat, është përsëri uruguaiani, Luis Suarez, në minutën e 40-të të ndeshjes pas një asistimi perfekt nga ana e Lionel Messi ka sigluar rezultatin në 0-3.
Me këtë rezultat u mbyll pjesa e parë, me Barcelonën që mund të quhet fituese e Copa del Rey, por për të mësuar më shumë duhet të presim fundin e ndeshjes.
Sevilla – Barcelona 0-3
Golat: Suarez 14’, 40’; Messi 31’
Barcelona (4-4-2): Cillessen, Sergi Roberto, Piqué, Umtiti, Jordi Alba, Busquets, Rakitic, Iniesta, Coutinho, Messi dhe Suarez. Trajner:Ernesto Valverde
Sevilla (4-2-3-1): Soria; Navas, Mercado, Lenglet, Escudero; Banega, N’Zonzi; Sarabia, Mudo Vázquez, Correa, Muriel. Trajner: Vincenzo Montella
Arbitër: Jesus Gill
Kartonë të verdhë: Mercado; Escudero