Arsenal ka arritur të marrë një fitore të rëndësishme për moralin në ndeshjen e parë që pas lajmërimit se Arsene Wenger do të largohet në fund të sezonit, duke mposhtur West Ham me rezultatin 4-1. West Ham vinte në derbin e Londrës me tre barazime në tre derbit e fundit, dhe dukej sikur të do të merrte edhe një tjetër barazim por tre gola në fund të takimit i dhanë fitoren e merituar Topçinjve.
Ndeshja ishte e fortë në pjesën e parë me të dyja skuadrat që u mbrojtën mirë pa lejuar kundërshtarin të krijojë mundësi të pastra. Duhej goli i Montreal në minutën e 51’ për të zhbllokuar rezultatin që hapi komplet ndeshjen. Arnautovic barazon menjëherë duke u dhënë shpresë tifozëve të West Ham por tre gola në 10 minutat e fundit nga Arsenal kanë mposhtur ekipin e Moyes.
Me futjen në fushë të Aubameyang ndryshoi loja në sulmin e vendasve, dhe Ramsey me Lacazette shfrytëzuan në maksimum shanset e tyre. Një fitore që mbran Arsenal në zonën e Europa League, ndërsa West Ham do të vazhdojë të vuajë për të mbetur në Premier League.
