Arsene Wenger ka vendosur të largohet nga Arsenal në fund të këtij sezoni 22 vite pasi mori drejtimin e “Topçinjve”, por cilat kanë qenë blerjet e tij më të mira?
10 – Gilberto Silva
I blerë për 4.5 mln sterlina nga Atletico Madrid në 2002-in, braziliani ka qenë një element kyç i skuadrës së “Të Pamposhturve” në sezonin 2003/04 dhe ka luajtur 224 ndeshje për klubin.
9 – Freddie Ljunberg
Sulmuesi suedez i krahut ka fituar 2 tituj në Premier League nën drejtimin e Wenger pasi u mor nga Halmstads BK për 3 milionë sterlina. Ai ka fituar, gjithashtu, edhe 3 Kupa të Anglisë dhe ka shënuar disa gola të rëndësishëm.
8 – Nicolas Anelka
Anelka u transferua tek Arsenal në moshën 17-vjeçare nga PSG për 500,000 sterlina dhe ka luajtur 40 ndeshje në sezonin 1997/98, kur Arsenal ka realizuar “dopietën”.
7 – Kolo Tooure
Enger e mori Toure në ekip pasi ai u paraqit mirë në një provë të zhvilluar për klubin londinez. Ai ka luajtur 326 ndeshje dhe ka qenë thelbësor në sezonin e “Të Pamposhturve”.
6 – Marc Overmars
U transferua te “Topçinjtë” për një shumë mes 5 milionë dhe 7 milionë sterlina nga Ajax dhe nuk zhgënjeu, duke realizuar 16 gola në sezonin 1997/98, atë të titullit dhe kupës.
5 – Cesc Fabregas
Pasi kaloi tek Arsenal në moshën 17 vjeç, spanjolli siguroi një vend në ekipin e parë brenda një muaji dhe u bë kapiteni i skuadrës nga 2008-a deri në 2011-ën.
4 – Robert Pires
Mesfushori sulmues u mor nga Marseille për 6 milionë sterlina në 2000-in dhe fitoi dy tituj në Premier League dhe po aq Kupa të Anglisë në gjashtë vitet e kaluara në Londër.
3 – Sol Campbell
Një nga blerjet me të befasishme të epokës Wenger. Campbell, në fakt, vendosi të transferohej te “Topçinjtë” nga rivalët e përjetshëm të Tottenham në 2001-in. Ai fitoi 2 tituj në Premier League dhe tri Kupa të Anglisë.
2 – Patrick Vieria
I blerë nga Milan për 3,5 milionë sterlina, Vieira ka qenë një nga blerjet e para të Wenger, kur ky i fundit mori drejtimin e ekipit në 1996-ën. Vieira ka udhëhequr ekipin si kapiten drejt tre titujve në Premier League dhe tri Kupave të Anglisë. Edhe ai ka qenë pjesë e skuadrës së “Të Pamposhturve”.
1 – Thierry Henry
Konsiderohet si sulmuesi më i mirë në historinë e Premier League dhe Wenger e mori bashkatdhetarin e tij pas një sezoni të vështirë në Itali. 226 gola, 2 tituj në Premier League dhe po aq Kupa të Anglisë më vonë, pjesa tjetër është histori…
