Futboll La Liga

Probleme për Realin, rrezikon mungesë të rëndësishme në gjysmëfinale të Championsit

Sergio Ramos rrezikon seriozisht të mos luajë në dy ndeshjet gjysmëfinale të Uefa Champions League. Real Madrid siguroi kalimin në këtë fazë, pas ndeshjes me Juventusin, e cila shkaktoi polemika të shumta, për atë penallti të dhënë në favor të madrilenëve në minutat e kohës shtesë, kur bardhezinjtë po kryesonin me rezultatin 3-0.

Pjesë e këtyre polemikave, ose debateve të shumta që u zhvilluan në “Santiago Bernabeu” mes dy skuadrave ishte dhe kapiteni Sergio Ramos. Mbrojtësi nuk luajti në këtë sfidë për shkak se kishte plotësuar numrin e kartonëve. Siç raportojnë mediat spanjolle, shfaqja brenda fushës në ndeshjen me bardhezinjtë mund t’i kushtojë shumë 32-vjeçarit.

Episodi do t’i prezantohet Komisionit Etik dhe të Disiplinës në UEFA, dhe diçka e tillë mund ta privojë Real Madrid nga shërbimet e kapitenit të skuadrës në dy ndeshjet e ardhshme të fazës gjysmëfinale. Kjo sepse lojtarëve të skualifikuar nuk i lejohet në asnjë mënyrë të paraqiten në tunelin për në dhomat e zhveshjes.

Ndërsa mbrojtësi i kombëtares spanjolle pati edhe një përballje me trajnerin Massimiliano Allegri për episodin e 11 metërshit: “Ai më thoshte se penalltia ishte e qartë” deklaroi tekniku i bardhezinjve në fund të ndeshjes “Unë i thashë që nuk ishte e vërtetë. Dhe se kështu duhej dhënë edhe penalltia për Cuadrado.”

Sipas gazetës “Cope”, delegati i UEFA-s ka regjistruar të gjithë episodin dhe me shumë mundësi lojtari do të mungojë në dy takimet e rëndësishme gjysmëfinale të Champions League për Realin e Madridit.

Një ngjarje e ngjashme ka ndodhur edhe më parë: Në vitin 2014, Xabi Alonso, i skualifikuar edhe ai, hyri në fushën e lojës pas golit të Gareth Bale gjatë kohës shtesë në finalen kundër Atletico Madrid, dhe për pasojë humbi ndeshjen në Superkupën e Evropës. Në fakt Sergio Ramos njihet për temperamentin e tij, pasi mban edhe rekordin te “Los Blancos”e lojtarit me më shumë kartona të verdhe të marrë gjatë karrierës së tij.

Related posts

Për herë të parë sistemi VAR do të përdoret në ndeshjet e Kupës

Q.Autor

Radas thumbon Partizanin: I kemi rivalë jashtë… fushe

Sadik.Autor

VIDEO/ Mbappe tallet keq, shikoni si i turpëron dy kundërshtarët

Q.Autor

Leave a Comment