PSG pritet që në të festojë titullin kampion shumë shpejt, por a ia vlen të shpenzosh kaq shumë vetëm për të dominuar futbollin francez? Sigurisht që jo dhe objektivi ka qenë tjetër: të fitojnë Champions League-n.
Nuk ia dolën dot as sivjet dhe ishte Real Madrid-i që i eliminoi, ndaj edhe pritet që në verë të ketë shumë ndryshime. Tema më e diskutueshme këto kohë ka qenë ajo e pasuesit të Unai Emery. Emrat e lakuar janë të shumtë, me Mourinho, Conte, Allegri, Luis Enrique dhe Diego Simeone. Ka edhe të tjerë në fakt dhe merkatoja do të varet nga emri i trajnerit të ri.
Por të shumtë janë edhe futbollistët që pritet të largohen dhe në krye të listës është sulmuesi nga Uruguai, Edinson Cavani. Autori i 24 golave në kampionat këtë sezon sigurisht që nuk do të vuajë për të gjetur një ekip, pasi do të viheshin në radhë pas tij. Rendimenti i tij vijon të jetë i lartë, teksa edhe në Champions League ka shënuar 7 gola me fanellën e PSG. Në listën e publikuar nga “L’Equipe” janë edhe tre futbollistë të tjerë.
Dy prej tyre janë kërkuar me ngulm nga Interi në janar dhe bëhet fjalë pikërisht për Angel Di Maria-n dhe Javier Pastore-n. Zikaltrit nuk i ndahen dashurisë argjentinase dhe në verë mund t’i kthejnë sytë sërish nga këta dy futbollistë, që me cilësitë e tyre do të jepnin një kontribut të vyer me Inter-in dhe do të rrisnin ndjeshëm cilësinë e skuadër. Për të folur për Adrien Rabiot më pas, i cili pëlqehet nga shumë klube. Në të shkuarën Milani ka shfaqur interes, ndërkohë që edhe Juventusi e ka një sy nga mesfushori qendror. Nga PSG-ja të katër këto futbollistë pritet të largohen, sigurisht jo me parametra zero, por sigurisht që me “skonto” shumë klube do t’u vihen pas.