Udinese e Massimo Oddo-s po kalon një moment magjik. Friulanët, në fakt, kanë marrë fitoren e pestë radhazi në kampionat dhe kanë pësuar vetëm një humbje në gjashtë ndeshjet e fundit.
“Nuk prisja të fitonim pesë ndeshje radhazi. Kur kam ardhur shpresoja të ndryshoja diçka sepse isha i bindur se kjo skuadër mund të bënte më shumë. Tani po bëjmë diçka të pabesueshme, pesë fitore radhazi nuk i bën as Juventus”, ka thënë Oddo.
Oddo e di se do të jetë e vështirë të vazhdojë në këtë rrugë: “Fitoret krijon shumë pritshmëri dhe të tjerët kanë më shumë frikë dhe fillojnë të mbyllen. Kundër Bologna-s kemi kuptuar se mund të fitojmë në shumë mënyra të ndryshme dhe e kemi bërë këtë duke vuajtur, kemi goditur në momentin e duhur dhe kemi qenë cinikë, edhe pse Bologna nuk meritonte të humbte”.
