Salah, Alisson dhe Lewandowski – janë objektiv të Realit për sezonin e ardhshëm.
Sipas asaj që raporton Don Balon, Real Madridi ka bërë gati 300 milionë euro për tre lojtarë, të cilët do të tentojë t’i transferojë gjatë verës në “Santiago Bernabeu”.
Objektivi i parë është anësori i Liverpoolit, Mohamed Salah, që shihet si zëvendësues i mundshëm i Gareth Bale, krejtësisht jashtë formë dhe duket se po luan sezonin e fundit me fanellën e bardhë.
Zinedine Zidane ka humbur durimin edhe në Karim Benzeman dhe po kërkon për një sulmues. Më së shumti po diskutohet për transferimin e mundshëm të Robert Lewandowskit.
Kurse pritet të ketë ndryshime edhe në portë. Keylor Navas nuk ka bindur këtë sezon dhe Zidane po mendon ta zëvendësojë atë me sensacionin e Romës, brazilianin, Alisson Becker.
