Ka përfunduar java e 20-të e Kategorisë së Dytë.
Në grupin A, nuk ka ndryshime të mëdha, pasi ekipet kryesuese kanë fituar dhe diferenca mes tyre ngelet po e njëjta. Vora kryesuese ka 6 pikë më shumë se Veleçiku i vendit të dytë, kur duhen edhe 6 javë nga fundi i kampionatit.
Edhe Klosi i vendit të tretë dhe Gramshi i vendit të katërt kanë fituar këtë javë. Vendi i fundit në këtë grup mbahet nga Mamurrasi, që ka vendosur të braktisë kampionatin.
Në grupin B, ka ndryshuar diferenca mes kryesuesve. Barazimi mes Orikumit dhe Elbasanit e lë diferencën mes dy ekipeve në 2 pikë, por nga ky barazim përfiton Albpetroli që tani ndodhet vetëm 3 pikë larg kreut.
Në fundin e tabelës vihet re se ekipet janë shumë pranë njëra tjetës, nga vendi i 9-të deri te i 13-ti i ndan vetëm 1 pikë, ndërsa Gramozi i vendit të fundit ka 6 pikë më pak se vendi i parafundit.
