Chelsea mund të largojë plotë nëntë futbollistë gjatë merkatos së verës, nëse nuk arrin një vend në Champions League në sezonin e ardhshëm, duke shkaktuar një revolucion të mirëfilltë në klubin “blu”, sipas asaj që bën të ditur shtypi britanik.
“The Telegraph” ka shkruar se presidenti i londinezëve, Roman Abramovich, ka vendosur të merret personalisht me klubit gjatë merkatos së verës dhe këto ndryshime tregojnë se edhe e ardhmja e “yjeve” Eden Hazard dhe Thibaut Courtois mbetet në dyshim.
Dy futbollistët nga Belgjika kanë refuzuar rinovimin e kontratës dhe emrat e tyre janë lakuar për një kalim te Real Madrid.
Futbollistët e tjerë që kanë bërë valixhet gati janë Cesc Fabregas, Pedro, Gary Cahill, David Luiz, Olivier Giroud, Alvaro Morata dhe Willian.
