Trajneri holandez, Clarence Seedorf, mori drejtimin e Deportivo La Coruna me synimin për të mbajtur këtë ekip në La Liga, por pas barazimit pa gola në fushën e Leganes, të premten në mbrëmje, situata është komplikuar së tepërmi.
Kur kanë mbetur edhe katër ndeshje nga fundit i kampionatit “galicianët” janë në vendin e tretë nga fundit me 6 pikë më pak se Levante që mban vendin e fundit të disponueshëm për në La Liga dhe ka luajtur një ndeshje më pak, atë që do të zhvillojë të hënën në Bilbao.
Frika e rënies nga kategoria ka pushtuar të gjithë ambientin, përfshi edhe tifozët, të cilët pas barazimit 0-0 kanë mundësuar një ballafaqim me trajnerin, ish-mesfushor i Ajax, Sampdoria, Real Madrid, Inter, Milan dhe Botafogo.
Seedorf ka kërkuar ta mbështesin ekipin deri në fund të sezonit, pavarësisht nga situata kaotike, ndërsa tifozët, shumë të tensionuar kanë kërkuar dorëheqjen e të gjithë drejtuesve dhe largimin e pronarëve nga Deportivo.
🚨Así se ha vivido el momento en el que Clarece Seedorf ha salido a dar explicaciones a los aficinados del Deportivo. Incluso se ha llegado a encarar con un aficionado tras criticar duramente a los futbolistas (vía @Escarabajano) 👀👇🏻 pic.twitter.com/YpyMG5KqEV
— Radio MARCA (@RadioMARCA) April 20, 2018