Roma fitoi 4-1 ndaj Chievo duke “blinduar” vendin e tretë në klasifikimin e Serie A. Edin Dzeko ishte futbollisti më i mirë në fushë për ekipin e Di Francesco dhe shënoi dy gola. Pas ndeshjes, në një deklaratë për “Sky Sport” ai deklaroi se kryeqytetasit e kanë mendjen te Liverpool.
Roma u mposht 5-2 nga Liverpool në gjysmëfinalen e parë të Champions League dhe tani i duhet një mrekulli si ajo ndaj Barcelonës për të vazhduar më tej…
“Chievo? Ata janë një skuadër e organizuar mirë, por sot ne ishim shumë të qartë në lojën tonë. Alisson e priti penalltinë në mënyrë shembullore dhe e falënderojmë sepse në atë moment ndeshja mund të ndryshonte. 2-1, por me një lojtar më pak do të na hapte probleme, portieri ynë e “vrau” ndeshjen.”
“Liverpool? E kemi përgatitur veten për këtë ndeshjes. Ne duam të bëjmë një paraqitje të shkëlqyer dhe mundësisht një përmbysje të madhe si ajo ndaj Barcelonës. Shpresoj që me ndihmën e tifozëve do t’ia dalim.”