Skuadra e parë që ka siguruar matematikisht kalimin nga Serie C në Serie B ka qenë Padova e trajnerit Perpaolo Bisoli. Trajneri 51-vjeçar, që ka marrë drejtimin e ekipit vitin e kaluar, ka arritur të sigurojë ngjitjen në kategorinë e dytë të futbollit italian dy javë para fundit të kampionatit falë humbjes së pësuar nga Reggiana në fushën e Albinolefe.
Kthimi në Serie B pas katër vitesh, gjatë të cilëve Padova kishte përfunduar në kategorinë e amatorëve, është festuar edhe nga Alessandro Del Piero, i cili ka luajtur me këtë ekip nga 1991-shi deri në 1993-in para se të transferohej tek Juventus.
Ish-kapiteni i bardhezinjve e ka festuar këtë arritje me një mesazh të postuar në profilin e tij në Twitter.
Grande @PadovaCalcio 👏👏👏 Bentornato in #serieB… Ricomincia la storia… dove è iniziata la mia ⚽️ #ADP10 pic.twitter.com/54DcQckI6f
— Alessandro Del Piero 🄰🄳🄿⑩ (@delpieroale) April 23, 2018
