Southempton po monitoron situatën e Paco Alcacer te Barcelona, sipas saj që bën të ditur “Sky Sports”.
Alcacer shënoi 24 gola në dy sezone me Valencia, përpara se të kalonte te Barcelona në verën e vitit 2016 për 30 milionë euro.
24-vjeçari nuk ka arritur kurrë të jetë titullar në “Camp Nou”, duke shënuar vetëm 9 gola në 33 ndeshje.
Aktivizimi i tij nën drejtimin e ish-trajnerit Luis Enrique dhe atij aktual Ernesto Valverde ka qenë e kufizuar dhe sipas shtypit britanik ai mund të shkojë te Southampton.
Southampton do të përballet me konkurrencën e Villarreal dhe Celta Vigo, ekipet e interesuara për Alacer.
Duke folur gjatë muajit të kaluar, Alcacer tha: “Unë mendoj vetëm për mundësitë që më jepen te Barcelona dhe të shpallem kampion me këtë skuadër.”