Shpesh kemi parë që tifozët e futbollit të bëjnë çmendurira për ekipin e tyre të zemrës, por ky mbështetës i zjarrtë i Flamengos në Brazil i ka tejkaluar kufijtë, madje mund të thuhet se e ka tepruar.
Quhet Jose Mauricio dos Anjos dhe përveçse dhomën e tij e ka të mbushur me fanellat e Flamengos vendosi që fanelën kuqezi ta bëjë tatuazh në trup. E vetmja gjë që nuk bëri tatuazh nga fanela janë sponsorët. Tatuazhi mori një vit kohë për t’u përfunduar, me 32 sesione dhe 90 orë punë.
“Gjithmonë e doja një fanelë të Flamengos tatuazh. Problemi im i vetëm ishte se do të kushtonte shumë. Por, tatuatori më tha që nuk do më merrte shumë para po ta bëja, donte vetëm pak reklamë nga unë”, deklaroi tifozi i çmendur.
