Dele Alli pret që kritikët e tij të kenë “ende diçka për të thënë”, pavarësisht paraqitjes së tij në ndeshjen e Premier League ku Tottenham fitoi 3-1 ndaj Chelsea në “Stamford Bridge”. Mesfushori i Anglisë shënoi dy herë në pjesën e dytë, në atë që ishte fitorja e parë për Tottenham në fushën e Chelsea në 28 vitet e fundit.
Alli kishte shënuar vetëm gjashtë gola në këtë kampionat, duke marrë kritika për rënie të formës së tij në krahasim me sezonin e kaluar kur shënoi 18 gola dhe dha shtatë asiste.
“Jam i sigurt që njerëzit janë ende të zhgënjyer nga mënyra si luajta kundër Chelsea, nga dy golat që shënove dhe do të ketë diçka për të thënë, – tha 21-vjeçari. – Por ashtu si e kam thënë edhe më parë, nuk më intereson ajo që thonë njerëzit, por të punoj për të qenë titullar dhe të fitojë ndeshje me Tottenham. I sfidoj kritikët të më thonë ku ishin gabimet e mia sot…”
