Xhevahir Sukaj ishte protagonisti i Vllaznisë në suksesin 4-0 kundër Lushnjes duke shënuar një dopietë. Një nga golat e shkodranit ishte për kartolinë, megjithatë në intervistën për “Super Sport”, ai thotë se ka shënuar gola edhe më të bukur.
Goli – “Goli ishte moment. Dola në pozicion, portieri kishte dalë para e godita. Isha duke u rrëzuar, por duke parë që portieri kishte dalë e godita. Nuk është shumë domethënëse”.
Goli më i bukur -“Nuk e di nëse është ky goli më i bukur. Kam shënuar dhe me Sepahanin”.
Ibrahimoviç – “E pashë golin e Ibras. I imi ishte më larg”.
Situata e mbijetesës – “Ne ekipin e kemi. Po ta kishim nisë sezonin me këtë kontingjent do të ishim më larg. Vllaznia është penalizuar nga 10-15 javët e para se janë marrë pak pikë. Aty kemi çaluar pak”.
Ribaj – “Trajneri vendos nëse luajmë me Ribajn. E kemi pak të vështirë të luajmë me dy sulmues, pasi lëmë hapësirë mbrapa. Në sfidat e tjera duhet të luajmë më mirë se sot, pasi lamë pak hapësira mbrapa”.