1 – Liverpuli është klubi i dytë më i titulluar i Anglisë dhe ka në vitrinën e tij 59 trofe zyrtarë.
2 – Lavdia e Liverpulit është gdhendur edhe nga dy ngjarje tragjike në histori: në 29 maj 1985 plot 39 tifozë mbetën viktima të incidenteve që shkaktuan huliganët anglezë përpara finales së Kupës së Kampioneve kundër Juventusit në stadiumin “Hejsel” të Brukselit. Dhe në 15 prill 1989, 96 persona humbën jetën mes turmës që po tentonte të hynte në stadiumin “Hillsborough” për gjysmëfinalen e Kupës FA kundër Forestit.
4 – Lindja e klubit anglez është pa diskutim e lidhur me stadiumin “Anfield”, i cili në fillim ka qenë impianti i rivalëve të Evertonit. Kur “Toffees” vendosën që ta lënë stadiumin për shkak se qiraja ishte shumë e lartë, pronari i terrenit, Xhon Houllding, krijoi një klub të ri, Everton FC dhe Atletik Graund, i cili më vonë do të pagëzohej si Liverpul FC.
5 – Ngjyrat origjinale të klubit ishin identike me ato të Evertonit, bardheblu. Nga 1984, pronarët e klubit vendosën që të adoptonin ngjyrën e qytetit të Liverpulit, të kuqen. Prej atëherë morën edhe nofkën “reds” (të kuqtë).
6 – Stema aktuale e klubit anglez përfaqësohet nga “Liver Bird” (zogu mitologjik gjysmë pelikan dhe gjysmë shqiponjë. Flakët në krahët e tij përfaqësojnë viktimat e tragjedisë së Hillsborout.
7 – Qendra stërvitore e klubit quhet “Melwood” dhe pozicionohet në Derbin Perëndimor. Emrin e ka marrë nga shkrirja e emrave të Atit Melling dhe Atit Udlok (Mel-Ud), priftërinjtë që përhapën futbollin mes fëmijëve, përpara se të ndërtohej impianti në atë terren.
8 – Tifozët e Liverpulit quhen “Reds”. Por fraksioni më i apasionuar i tifozërisë përbëhet nga “Kop”, të cilët ulen në kthesën e stadiumit “Anfield”, që në fakt mban të njëjtin emër “Kop”.
9 – Sa u përket marrëdhënieve me tifozëritë e tjera, ekziston një miqësi e ngushtë me ata të Borusias së Mënshengladbahut, ndërsa “armiqtë” e tyre janë ata të Mançester Junajtid.
10 – Himni i Liverpulit përfaqësohet nga kënga historike “You’ll Never Walk Alone” (Nuk do të ecni kurrë të vetëm). Kjo këngë është kënduar gjatë viteve nga figura të ndryshme të muzikës botërore, mes të cilëve Elvis Presli, Frenk Sinatra dhe Tom Xhons.