Didier Drogba mund të ketë mbërritur shumë pranë fundit të karrierës së tij si futbollist, por e sigurt është se sulmuesi veteran nuk i ka humbur instinktet me të cilat ka dominuar arenën evropiane për vite me radhë.
Sulmuesi nga Bregu i Fildishtë ka realizuar këtë fundjavë një gol fantastik nga 36 metra në kategorinë e dytë të kampionatit amerikan, ku bën rolin e lojtarit-pronar me Phoenix. Ndërsa bëhej gati të godiste të gjithë menduan se do të ishte një pasim për shokët e skuadrës, por gjuajtja e tij përfundoi direkt e në portë pas shpinës së portierit kundërshtar, i cili nuk ishte në gjendje që të reagonte në kohë.
Në fakt në këto pozita janë ndjerë edhe portierë të tjerë në Premier League dhe Europë, kur pësonin prej ish-yllit të Chelsea-t. Jo më kot është shpallur dy herë golashënuesi më i mirë i kampionatit anglez dhe ka fituar edhe një trofe të Champions League në vitin 2012.
Your @USL fav could never. Take a bow @didierdrogba!
STREAM: https://t.co/1zXFwvaxEb#RisingAsOne | #TULvPHX pic.twitter.com/dpflW4PMFJ
— Phoenix Rising FC (@PHXRisingFC) May 13, 2018