Agjenti i Jordi Alba-s pretendon se mbrojtësi i majtë ka 18 muaj që pret të fillojnë negociatat me Barcelona-n për një rinovim të premtuar të kontratës.
Spanjolli ka nënshkruar një kontratë pesëvjeçare më 2015, ku përfshihet edhe një klauzolë lirimi 150 mln euro.
Përfaqësuesi i tij, Vicent Fores, thotë se klubi nuk e ka mbajtur fjalën për një rinovim të 29-vjeçarit.
“Raul Sanllehi (ish-drejtori sportiv) ishte akoma në klub dhe na tha të mos merakosemi pasi do të na telefonojnë për të rinovuar. Por jemi akoma në pritje. Kanë kaluar një vit e gjysmë tashmë.
“Nuk kuptojmë asgjë, mbase është normale për Barça-n por ose nuk janë të lumtur me paraqitjet e tij ose nuk e di se çfarë të them…
“Atij i kanë mbetur edhe dy vite kontratë dhe do të shohim se çfarë do të bëhet, por ne jemi të qetë.”
