Massimiliano Allegri ka hyrë në historinë e futbollit italian. Ai është i pari trajner, i aftë për të fituar në mënyrë të dyfishtë (Seria A dhe Kupa e Italisë) për sezonin e katërt radhazi. Nën drejtimin e tij, sundimi i Juventusit duket i pakundërshtueshëm.
Ashtu si çdo vit, e ardhmja e trajnerit livornez bëhet temë e nxehtë, aq më tepër nëse nga Anglia i kanë mbërritur sirena të rëndësishme (Chelsea dhe Arsenali), të cilat nuk mund të shkojnë pa u vënë re dhe që mund të kenë një efekt domino të vërtetë të “stolave” në merkaton e kësaj vere.
Pas finales në Romë, Allegri, megjithatë, ka bërë të qartë se e ardhmja e tij do të jetë ende në të zezë dhe të bardhë: “Në netë si kjo nuk flasim për këtë. Së shpejti do të takohemi me klubin për të folur në lidhje me vazhdimësinë. Së pari na duhet të kuptojmë gjërat që kemi bërë mirë dhe ato ku kemi pasur vështirësi.
Si fëmijë isha tifoz i Juventusit, – vazhdon trajneri, – ndaj për këto suksese jam akoma më i lumtur. Të punosh në një klub si Juventusi, me një grup njerëzish të mëdhenj, është më e thjeshtë. Ende duhet të vazhdosh, ende duhet të bësh. Në futboll, ju nuk mund të fitoni gjithmonë, sepse ka kundërshtarë.
Kur dëgjoj nga disa, që flasin për triumfet tona të lehta në Seria A, i konsideroj gjepura. Të fitosh në Itali nuk është diçka e zakonshme, por e jashtëzakonshme. Nuk është e lehtë për të përsëritur një periudhë të rëndësishme dhe, kur keni fitore të tilla, duhet të gëzoni për to”.
