Më tej, trajneri tha: “Gattuso po bën një punë të mirë me Milanin, i ka dhënë një identitet skuadrës. Në ndeshjet e fundit Milani ka qenë pak i lodhur, sidomos mendërisht, por ndaj Juves do të jetë ndryshe, pasi kjo është një finale dhe Gattuso di se si ta përgatitë skuadrën. Edhe pse bardhezinjtë janë një ekip i vështirë për t’u përballuar”, tha Ancelotti, që pas shkarkimit nga detyra e trajnerit të Bayern ende nuk ka vendosur për të ardhmen.
Ditët e fundit ai ka refuzuar detyrën e trajnerit të kombëtares italiane, pozicion që pritet ta zërë Roberto Mancini. “Është një trajner i shkëlqyer që ka shumë përvojë në arenën ndërkombëtare. Për mua, me Mancinin kombëtarja është në duar të sigurta. Ndërsa unë, personaliasht, kam vendosur të drejtoj një skuadër dhe jo kombëtare. Nuk e di nëse do të kthehem jnë Itali apo në ndonjë shtet tjetër, madje mund të qëndroj edhe një vit pushim”, tha Ancelotti.
