Bundesliga Futboll Sport

Bayern-Frankfurt, luhet për kupën dhe Europën

Bayern Munich, pas titullit të 27-të të fituar në Bundesliga, do të udhëtojë drejt “Olympiastadion” për t’u përballur me Eintracht Frankfurt në finalen e Kupës së Gjermanisë. Kjo do të jetë finalja e pestë në kupë për bavarezët në shtatë vitet e fundit dhe ndeshja e fundit e Jupp Heynckes në drejtim të Bayern.

Kampionët e Gjermanisë kanë disa mungesa të rëndësishme për shkak dëmtimesh, por nuk duhet të jetë një problem për ata të rreshtojnë në fushën e lojës një ekip cilësor. Ndërkohë, kjo do të jetë një ndeshje lamtumire edhe për trajnerin e Frankurt, Niko Kovac, i cili do të marrë drejtimin e Bayern sezonin e ardhshëm.

Për shkak të humbjes së pësuar kundër Schalke në javën e fundit të kampionatit, Eintracht duhet ta fitojë patjetër këtë finale për të siguruar një vend në edicionin e ardhshëm të Europa League. Historia, siç mund të imagjinohet, është në favor të bavarezëve, të cilët janë të pamposhtur në 14 ndeshjet e fundit që kanë luajtur kundër Frankfurt (1 fitore, 3 barazime).

Për më tepër, skuadra e Kovac ka pësuar një rënie të rendimentit në javët e fundit. në fakt, ata kanë humbur shtatë nga tetë ndeshjet e fundit që kanë luajtur larg shtëpisë dhe kanë pësuar tre ose më shumë gola në katër nga këto takime. Bayern, nga ana tjetër, ka shënuar 20 gola në pesë ndeshjet e fundit të këtij kompeticioni.

Shifra dhe Fakte
– Bayern ka fituar 4-1 ndeshjen e zhvilluar mes këtyre dy skuadrave në Bavari prillin e kaluar.
– Bayern nuk ka pësuar asnjë humbje në 14 ndeshjet e fundit që ka luajtur kundër Frankfurt (11 fitore, 3 barazime).

– Robert Leëandoëski është golashënuesi më i mirë i Kupës së Gjermanisë në këtë sezon (5).
– Frankfurt ka pësuar vetëm një gol në këtë sezon të Kupës së Gjernanisë (në kohën shtesë kundër Heidenheim).

Related posts

LIGA E KOMBEVE/ Shqipëria e nis me fitore: Xhaka trondit Izraelin, Strakosha bën HEROIN

Isa.Autor

LIVE/ Ronaldo i papërmbajtshëm, Portugalia e mbyll në epërsi pjesën e parë (VIDEO)

Sadik.Autor

Messi kërkon 2 gola ndaj Las Palmas, plotëson shifrën historike

Q.Autor

Leave a Comment