Kualifikimi i Real Madrid në finalen e Champions League është një lajm i mirë për Italinë. Eliminimi i bavarezëve, në fakt, ka blinduar vendin e tretë të Italisë në renditjen e UEFA-s.
Bayern, që ishte skuadra e vetme gjermane në kompeticionet europiane të këtij sezoni, ka grumbulluar shumë pikë për Bundesliga-n.
Por, pavarësisht sigurisë së vendit të tretë, distancat mes Italisë dhe dy vendeve të para (Spanja dhe Anglia) pritet të thellohen më shumë, me anglezët që do të fitojnë pikë të tjera me Liverpool, veçanërisht nëse skuadra e Klopp do të triumfojë në finale kundër Real Madrid.
