Julian Ahmataj është larguar nga drejtimi i skuadrës së Kamzës. Ndryshe nga sa mendohej, sot klubi kamzali ka njoftuar se është mbyllur me mirëkuptimi bashkëpunimi i dy palëve.
Përmes një njoftimi në kanalin zyrtar në facebook, shkruhej: ” Klubi njofton mbylljen e bashkëpunimit me trajnerin Julian Ahmataj. Duke e falenderuar per gjithçka ai zhvilloi me skuadren tone duke realizuar objektivin, i urojme suksese ne karrieren e tij. KF Kamza”.
Kujtojmë që Ahmataj mori drejtimin e këtij ekipi në mes të muajit prill. Ai arriti objektivin, të qëndronte në Superiore, megjithatë sot ka ardhur largimi i tij i papritur.
