Nuk ka pasur asnjë hile në shortin e “Francë ‘98”. Kjo është ajo që ka deklaruar ish-presidenti i FIFA-s, Sepp Blatter, si kundërpërgjigje ndaj saj që kishte thënë Michel Platini, 24 orë më parë.
Francezi pohoi se ishte bërë e pamundura që Franca dhe Brazili mos përballeshin para finales, por Blatter nuk është dakord: “Si mund të quhet hile e FIFA? Ishte vendi organizator që vendoste kriteret e shortit, por askush nuk vendosi Brazilin në Grupin A dhe Francën në Grupin C. Pastaj nëse ndonjë prej këtyre ekipeve nuk fitonte grupin… Për të pasur finalen e ëndrrave, që mendonte Platini, të dy këto skuadra duhet t’i fitonin të gjitha ndeshjes!”
Faktikisht, Franca (vendi organizator) dhe Brazili (kampion në fuqi) shkuan deri në finale, ku “gjelat” fituan 3-0.
