Botërori është shumë pranë dhe me datën 14 qershor gjithçka do marrë start në Rusi për kompeticionin më të madh të futbollit. Të gjithë përfaqësueset po përgatiten në maksimum dhe në këtë Botëror pritet të ketë surpriza. Një prej përfaqësueseve që mund të dhurojë diçka të bukur në Rusi është edhe Japonia.
Kombëtarja që vjen nga Azia mund të cilësohet si një nga më kualitativet përveç kombëtareve latine dhe europiane. Me një futboll të shpejtë dhe shumë teknik ata mund të të hapin punë në çdo moment. Futbolli është zhvilluar shumë në Japoni që prej vitit 2002, periudhë ku edhe u zhvillua Botërori.
‘Samuraitë’ janë gati për ndonjë surprizë. Emra si Kagaëa, Nagatomo, Yoshida, Hasebe apo edhe Okazaki që luajnë në kampionatet më të forta të Europës mund të bëjnë një futboll për tu pasur zili në Rusi këtë verë.
