Sigurisht që nuk përbën ndonjë mister fakti që Arturo Vidal është mesfushori i ëndrruar në këtë moment nga Interi dhe Luciano Spalletti. Natyrisht, nuk do të jetë e lehtë për ta rrëmbyer ish-lojtarin e Juventusit nga Bayern Munich, edhe nëse sot vjen një lloj hapjeje nga bavarezët.
Ka qenë Karl-Heinz Rummenigge, ai që i dhënë një dorë ndihmëse ëndrrës zikaltër në këtë rast. Duke folur për “Kicker”, ekzekutivi Bayern Munich ka thënë kështu për Vidal: “Arturo duhet të vendosë shpejt, nëse do të vazhdojë me ne, pra të vijojë kontratën, apo do të shkojë diku tjetër. Ai do të vendosë për të ardhmen e tij”.
Një mik i mesfushorit nga Kili ka thënë së fundi se Vidal ka dëshirën për t’u kthyer në Itali. Për të, përveç zikaltërve, duket i interesuar edhe Manchester United i Mourinhos, i cili sigurisht ka një fuqi superiore ekonomike dhe blerëse.
Kontrata e Arturo Vidal skadon vitin e ardhshëm dhe për këtë arsye kostoja e kartonit të tij nuk është e tepruar, në raport me nivelin e lojtarit. Ndoshta mund ta merrni nga Bayern Munich edhe për më pak se 25 milionë euro.
