Edison Cavani duket se i ka idetë e qarta. “Matadori” nuk ka ndërmend të largohet nga PSG, të paktën jo këtë viit. Ish-sulmuesi i Napoli-t ka pranuar se ka ndërmend të arrijë objektivat e përcaktuar nga klubi.
Objektivi kryesor është Champions League dhe për ta fituar atë, sipas 31-vjeçarit, PSG duhet të ndjekë shembullin e Juventus dhe Atletico Madrid.
“Ëndërroj ta fitoj Champions League këtu. Duhet të jemi më të bashkuar për ta arritur qëllimin tonë. Nuk duhet të jemi një skuadër, por një familje. Juventus dhe Atletico kanë shkuar më shumë se një herë në finale duke luajtur si ekip. Këtë duhet të bëjmë edhe ne”.
