Dëmtimi i Mohamed Salah në finalen e Champions League ishte një ndëshkim nga Zoti pasi ai theu agjërimin të Ramazanit, pretendon një predikues islamik.
Sulmuesi i Liverpool është detyruar të dalë nga loja në minutën e 30’ për shkak të një dëmtimi pas duelit me Sergio Ramos.
Salah në fillim u shpreh se nuk do e prishte agjërimin në prag të finales së Champions League.
Por një fizioterapist konfirmoi se ai ndryshoi plan pasi foli me departamentin e vlerave ushqimore të klubit.
Myslimanët lejohen të thyejnë agjërimin për arsye udhëtimi. Por predikuesi nga Kuwaiti Mubarak al-Bathali thotë se Salah bëri mëkat duke thyer agjërimin për ndeshjen.
“Zoti e ndëshkoi,” shprehet ai në Twitter.
Al-Bathali pretendon se Salah është këshilluar në mënyrë të gabuar. “Fatkeqësisht, ai do të jetojë me këtë mëkat përjetësisht.”