E ardhmja e Bruno Fernandes me fanellën e Sportingut është në dyshim, pasi lojtari pëlqehet nga skuadra të mëdha. Sipas mediave portugeze, në “pole position” për shërbimet e 23-vjeçarit janë Atletico Madrid dhe Chelsea.
Po sipas asaj që raportojnë mediat, “Blutë e Londrës” janë në avantazh ndaj spanjollëve, pasi kanë nisur kontaktet me agjentët e futbollistit, i cili pëlqehet shumë edhe nga Juventusi.
Gjithsesi për mesfushorin parashikohet një merkato ‘e nxehtë’ pasi skuadrat e interesuara për të, do të bëjnë maksimumin për ta rrëmbyer. Mosha dhe çmimi i kartonit e bëjnë akoma më të vlerësuar Fernandesin.
