Maurizio Sarri rrezikon të qëndrojë një vit pushim teksa raportohet se Chelsea nuk është gati t’i paguajë klauzolën 8 milionë euro e cila skadon të enjten.
Trajneri është shkarkuar nga Napoli dhe vendin e tij e ka zënë Ancelotti, por sipas ligjeve italiane kontrata duhet të prishet me pëlqimin e të dy palëve ose dikush duhet të paguajë 8 milionë euro.
Klauzola e lirimit pritet të skadojë më 31 maj, kështu që më pas Sarri rrezikon të qëndrojë një vit pushim.
Sipas CalcioNapoli24, Chelsea nuk ka bërë asnjë ofertë formale për të blerë Sarri-n, megjithëse ka arritur marrëveshjen me trajnerin javën e kaluar.
Tani avokatët e Sarri-t po punojnë për të gjetur një rrugë tjetër.
