Mediet në Itali raportojnë se Maurizio Sarri mund të lëvizë në drejtim të Premierligës për të marrë drejtimin e Chelsea, dhe Antonio Conte të rikthehet në Itali, për t’u emëruar trajner i Napolit.
Shuarja e shpresave për të fituar titullin në Serie A këtë sezon, ka bërë që Sarri të mendojë largimin, dhe nëse një skuadër aktivizon klauzolën prej tetë milionë euro para datës së 31 majit, mund të bëjë që atij t’i ndërpritet kontrata me Napolin.
Një largim i Sarrit do të bënte që Aurelio De Laurentiis të mendojë për zëvendësuesin e tij.
Dhe sipas lajmeve të fundit nga Italia, Conte mbetet trajner favorit për të marrë drejtimin e Napolit.
Kujtojmë se në ditët e fundit ka pasur shumë spekulime për një rikthim të mundshëm të Contes në krye të Kombëtares së Italisë.
