Futboll Premier League Sport

Salah bojkoton Botërorin? Nuk do ta besoni arsyeje pse

Mohamed Salah është padyshim lojtari i momentit. Ai cilësohet si zbulimi i këtij sezoni dhe kandidati kryesor për të hyrë në garën ndërmjet Lionel Messit dhe Cristiano Ronaldos, që kanë dominuar futbollin ndërkombëtar në dekadën e fundit.

Sulmuesi i Liverpool është edhe një prej lojtarëve nga të cilët pritet më tepër në Botërorin Rusi 2018, pasi e udhëhoqi Egjiptin në turneun madhor për herë të parë pas 28 vitesh. Popullariteti i Salah u rrit aq shumë, sa në javët e fundit ka nxitur një çështje, që mund të vendosë në diskutim edhe prezencën e lojtarit në Kupën e Botës.

Shkak është bërë sponsori dhe Salah është pala e dëmtuar. Sulmuesi është imazhi i një kompanie telefonike në të gjithë Lindjen e Mesme, ndërsa përfaqësuesja egjiptiane sponsorizohet nga një kompani rivale. Këtu lindi edhe konflikti, sepse Federata e Egjiptit e shfrytëzoi imazhin e lojtarit më të mirë të vendit në disa reklama. Gjithçka duket se ka ndodhur pa arritur asnjë marrëveshje.

Pasi Federata e Egjiptit, por edhe Ministria e Sporteve nuk kanë reaguar rreth situatës së krijuar, menaxheri i Salah kërcënoi se “po shqyrtohen të gjitha opsionet”, duke përfshirë këtu edhe bojkotin e Botërorit. Futbollisti gëzon edhe mbështetjen e popullit. Tifozët egjiptianë nuk pranojnë të humbasin lojtarin e tyre më të mirë për një çështje të tillë.

Related posts

UEFA NIS KUNDËRSULMIN/ Apelon vendimin e Gjykatës së Madridit, “Super League” mbetet çështje

Delo.autor

LIVERPOOL-CARDIFF CITY/ Skuadra e Klopp arriti të triumfojë, ja notat e lojtarëve

Delo.autor

Atletico Madrid nis kontaktet me Milanin për sulmuesin që dështoi këtë sezon

Isa.Autor

Leave a Comment