Dani Alvesh është dorëzuar përfundimisht. Kombëtarja braziliane do të udhëtojë pa mbrojtësin e saj të djathtë drejt Rusisë për Botërorin e muajit të ardhshëm, i cili rrezikon të qëndrojë larg fushës nga 4- 6 muaj.
35-vjeçari dëmtoi ligamentin e gjurit në finalen e Kupës së Francës kundër Les Herbiers dhe pasi e kanë vizituar personalisht, doktorët e Brazilit e kanë përjashtuar mundësinë që lojtari më i titulluar të ketë një shans për të ndihmuar skuadrën e Tites në turneun e kësaj vere.
Për trajnerin e pesë herë kampionëve të botës tani nisin kokëçarjet për emrin e atij që do të mbulojë korsinë e djathtë të mbrojtjes: Gara do jetë mes Danilos, Rafinjës dhe Fagnerit. Sipas asaj që raportojnë mediat braziliane, mbrojtësi i Korinthiasit, Fagner është më i avantazhuar, pasi pëlqehet nga trajneri Tite.
