E ardhmja e Milan Badelj vazhdon të mbetet në pikëpyetje te Fiorentina. Mesfushori është në fund të kontratës me klubin vjollcë dhe nuk ka vendosur ende nëse do të pranojë ofertën për rinovimin e kontratës.
Për kroatin ka kohë që interesohet Milani, që e shikon futbollistin si përforcimin e duhur për repartin e mesit të fushës për sezonin e ardhshëm.
Menaxheri i klubit vjollcë, Giancarlo Antognoni, deklaroi se drejtuesit do të bëjnë maksimumin që kroati të qëndrojë në Firence, pasi konsiderohet një lojtar i rëndësishëm për të ardhmen e skuadrës.
