Andres Iniesta ka zhvilluar ‘El Clasicon’ e fundit në karrierën e tij si lojtar. Barcelona dhe Real Madrid, kanë barazuar 2:2 në ‘Camp Nou’ në derbin e xhiros së 36-të të La Ligas.
Kjo ndeshje, ishte e veçantë për mesfushorin Andres Iniesta.Fituesi i Kupës së Botës me Spanjën, u paraqit për herë të fundit si lojtar në derbin e madh mes Barcelonës dhe Real Madridit.
Pas ndeshjes, përveç tifozëve që ishin në stadium, Iniesta mori një përshëndetje të ngrohtë edhe nga Zinedine Zidane.Trajneri i Real Madridit e priti Iniestan në brendësi të stadiumit për ta përshëndetur e për t’i uruar suksese në aventurën e re që do të nis në futbollin kinez.
