Partizani zhvilloi në kompleksin sportiv në “Pezë-Helmes” stërvitjen e radhës në prag të derbit ndaj Tiranës. I pranishëm në këtë stërvitje ka qenë edhe drejtori Olsi Rama.
Skuadra u mblodh fillimisht në një pjesë të fushës teksa trajneri Skënder Gega mbajti një fjalim para skuadrës për afro 20 minuta.
Më pas ishte radha e drejtorit Rama që foli shkurtimisht. Pas fjalëve të drejtorit. Lojtarët dhe stafi u mblodhën të gjithë së bashku duke bërë “betimin”, teksa stërvitja vijoi normalisht.
Me ekipin është bashkuar mesfushori Esat Mala, teksa portieri Alban Hoxha vijon të mungojë. Edhe pse gardiani i kuq u lirua nga gjykata e Tiranës, nuk ka qenë i pranishëm në seancën stërvitore.
Më shumë gjasa portieri do ta humbasë derbin ndaj bardhebluve, gjithsesi asgjë nuk është vendosur. Pritet më mjaft kureshtje së çfarë vendimi do të marrë klubi i kuq në lidhje me këtë çështje. Nesër skuadra do t’i drejtohet qytetit të Elbasanit për të vijuar atje përgatitjet.
