Real Madrid ka fituar 6-0 ndaj Celta Vigo, me nga tre gola në çdo pjesë loje, në ndeshjen e fundit të luajtur në “Santiago Bernabeu” për këtë sezon dhe do ta mbyllë La Liga në vendin e tretë.
Gareth Bale ka udhëhequr drejt suksesit të besuarit e Zinedine Zidane, duke shënuar dy golat e parë, në një ndeshje ku Cristiano Ronaldo mungoi sërish për arsye shëndetësore.
Bale shënoi dy herë në 30 minutat e para të ndeshjes, duke realizuar dygolëshin e tij të katërt në këtë sezon, më mirë se në çdo vit tjetër, edhe pse ka qenë sezoni i tij më i vështirë, ku është vënë në dyshim e ardhmja dhe vendi i titullarit.
Golin e tretë, ndoshta më i bukuri i ndeshjes, e shënoi Isco, në minutën e 32-të, me një goditje nga jashtë zone.
Në pjesën e dytë mbrojtësi 19-vjeçar nga Maroku, Achraf Hakimi, realizoi golin e katër për “Los Blancos”, ndërsa fitorja e tyre e thellë u konfirmua me autogolin e Sergio Gomez Sola, 15 minuta para fundit. Shifrat u bënë tenistike në minutën e 81-të me golin e Toni Kroos.
Në javën e fundit të kampionatit, Real Madrid do të luajë në fushën e Villerreal, ndërsa sezoni i tyre do të mbyllet në Kiev me finalen e madhe të Champions League kundër Liverpool.
https://www.dailymotion.com/video/x6je98h
https://www.dailymotion.com/video/x6je7zg
https://www.dailymotion.com/video/x6je648
https://www.dailymotion.com/video/x6je6b8
https://www.dailymotion.com/video/x6je54c