Pas humbjes me Kamzën, trajneri i Partizanit, Klevis Dalipi doli përpara mikrofonit të “SuperSport” ku theksoi se objektivi i skuadrës ishin Kupat e Europës, ndërsa nuk la pa folur dhe për rënien e Vllaznisë në Kategorinë e Parë.
“Më vjen keq për Vllazninë, por tashmë në futboll ekipi më i fortë është ai që mbijeton. Na mbetet të shohim si do shkojnë gjërat, nëse do jemi në Kupat e Europës ose jo. Jam i kënaqur që nga momenti që jam emëruar trajner i Partizanit.
“Këtë sezon kishim shumë luhatje, objektivi ynë ishin Kupat e Europës, dhe do e shpëtojmë këtë sezon nëse e arrijmë. Unë kam shumë ide për Partizanin, uroj të rikonfirmohem. Tifozët u larguan nga stadiumi? Edhe unë doja ta mbyllja me fitore, edhe për tifozët. Por, Kamza tregoi grintë dhe meritoi të fitonte sot.”-tha Dalipi.
