Ekipi kombëtar i Kilit ka humbur Kupën e Botës në Rusi dhe në këtë mënyrë 30-vjeçari të mund të rikuperohet i qetë gjatë verës. Gjithsesi dëmtimi i tij ka ngritur disa pikëpyetje për drejtuesit e Bayern. E ardhmja i tij me bavarezët duket se nuk është e sigurt. Kontrata e tij vazhdon deri në vitin 2019, por gjithnjë është folur për një largim të mundshëm të kilianit nga Mynihu.
Para së gjitha Chelsea ka shprehur interes për të siguruar shërbimet e ish-mesfushorit të “Zonjës së Vjetër”. Megjithatë, një angazhim i një lojtari të dëmtuar në këtë shkallë nuk duket i mundshëm, të paktën për momentin. Ndoshta Vidal do të qëndrojë të jetë pjesë e Bayern edhe për sezonin e ardhshëm, por ai e di se e ardhmja e tij nuk është më në “Allianz Arena”. Gjithsesi në këtë moment mesfushori mendon vetëm për rikuperimin e tij dhe pasi të jetë i gatshëm për të luajtur do të diskutojë me drejtuesit e Bayern, nëse qëndron apo do të largohet.
