Pas shumë spekulimesh duket se është zgjidhur përfundimisht e ardhmja e Iker Casillas. Gazeta portugeze “O’Jogo”, sot në mëngjes, mbante si titull kryesor rinovimin e ish-portierit të Real Madrid, duke shkruar Casillas do të firmoste marrëveshjen e re me drejtuesit e Porto, për të vazhduar karrierën deri në qershor 2019.
“Shpresoj që të qëndrojë edhe për një sezon. Po bisedojmë për rinovimin,” – deklaroi shkurtimisht ish-portieri i Spanjës.
Problemi i vetëm, sipas shtypit portugez, ka të bëj me pagën e lojtarit. Ai kërkon më shumë sesa i ofron Porto, por tani është kuptuar se dëshira e tij është të vazhdojë karrierën e nisur 25 vite më parë…
