Angli-Itali, finalja e madhe e Euro 2020! Skuadra e Southgate kalon me drithërima dhe një episod të diskutueshëm në atë që do të jetë ndeshja e ndeshjeve… Pas 55 vitesh, vjen finalja për “Tre Luanët”, sërish në shtëpi.
Pjesa e parë u mbyll 1-1 me golin e bukur nga Damsgaard dhe autogolin e Kjaer. Anglia tenton të gjejë avantazhin por përballë ka një super Schmeichel që është jashtëzakonisht më i miri.
Edhe pjesa e dytë është me ritëm dhe Anglinë këmbëngulëse teksa Southgate hedh të gjithë më të mirët. Por, gjithçka shkon në shtesë.
Pas disa mrekullive, Danimarka bie ndaj Anglisë. Skuadra e Southgate gjen avantazhin.
Sterling merr krahun në të djathtë, Maehle e pengon: për Makkiele nuk ka dyshime dhe akordon penallti. Danimarka proteston pasi duket që Sterling është hedhur ende pa u penguar nga lojtari danez dhe kërkon kontaktin…
VAR merr kohën e saj dhe vendos më pas mes protestave të Kjaer & Co…
Nga pika e bardhë shkon kapiteni Harry Kane, i cili godet në të majtën e portierit Kasper Schmeichel, që bën mrekullinë duke e pritur por topi mbetet aty dhe me fat sulmuesi i Tottenham e çon në rrjetë duke shpërthyer tifozerinë angleze në stadium.
Më pas, Danimarka nuk ka forcë për të gjetur barzimin dhe Anglia është ajo që menaxhon deri në fund.
