Ka edhe një vit kontratë me Tottenham, që nuk ka ndërmend t’ia rinovojë marrëveshjen dhe kësisoj Mousa Dembele, që do të mbushë 31-vjeç në muajin e ardhshëm, është zyrtarisht në merkato. Sigurisht që pretendimet ekonomike të Tottenham janë të mëdha, pasi kërkon 30 milionë euro për lojtarin, megjithatë drejtuesit e Inter, Ausilio dhe Gardini, kanë lënë një takim me Daniel Levy, njeriu që komandon Tottenham.
Spalletti ka dhënë aprovimin e tij për të marrë Dembele, duke qenë se belgu mund të jetë partneri i duhur për Brozovic në mesfushën e Inter në Champions League, ndërsa Vecino dhe Galliardini japin më shumë garanci në Serie A.
Vetë Dembele do të ishte dakord me kalimin në “San Siro”, mjafton që t’i japin 4.5 milionë euro në sezon.