U deshën pak muaj që të bindë tifozët, por edhe drejtuesit e Interit që të shkojnë drejt një blerje përfundimtare. Rafinha është një nga të paktat gjëra të bukura që Interi shfaqi në këtë pjesë të dytë të sezonit, ku kualifikimi për në Champions League ka mbetur në fije të perit.
Vetë futbollisti brazilian ka shprehur dëshirën për të qëndruar në Milano dhe Inter ka si deadline 31 majin për blerjen përfundimtare të tij. Barcelona kërkon 35 milionë euro dhe 3 bonus, ndërkohë që Ausilio ofron 18-20 milionë euro. Gjithësesi për zikaltrit është edhe një gur i fundit: Inter mund të shtyjë edhe për një sezon tjetër huazimin .
Problem për momentin është situata ekonomike e Interit, që lidhet më së shumti me kualifikimin në Champions, pothuaj i pamndur në momentin që flasim. Pa 40 milionë eurot që sigurojnë nga ky kualifikim, Inter është i detyruar që të shesë një prej futbollistëve kryesorë.