Ish-kryetari i Bashkisë Vlorë dhe njëkohësisht ish-presidenti i Flamurtarit, Shpëtim Gjika, me anë të një statusi në rrjetet sociale ka ironizuar për situatën e ekipit.
Prej disa sezone radhazi Flamurtari niset me objektiva të mëdha, por në fund ka patur raste që ka rrezikuar edhe kategorinë. Një situata e përafërt pati gjasa të ndodhte edhe këtë vit ndaj Gjika nuk e ka humbur rastin të ironizojë.
Në facebook Gjika ka shkruar: “Pas humbjes së sotme të Vllaznisë me Partizanin, Flamurtari zyrtarisht mbijeton edhe këtë vit në Superligë! Mot më mirë!”
Kujtojmë që Gjika ka patur përplasje prej vitesh me administratorin e Flamurtarit, Sinan Idrizin.
