Cilin shtet do të përfaqësojë Shkëndija e Tetovës? Shqipërinë apo ish-Republikën Jugosllave të Maqedonisë? Kjo është pyetja ironike që ngrenë mediat në vendin fqinj, dukshëm të bezdisura nga festa kuqezi e Tetovës.
Prandaj dhe stadiumi i Tetovës ishte i gjithi kuqezi. Kuqezi si fanella e Shkëndijës, kuqezi si uniforma e Ballistëve, kuqezi si flamujt kombëtarë të shpërndara në tribunat e impiantit.
Portali “Sport” shkruan: “Pas dy muajsh, kur të nisë ‘Champions League’ cilin vend do të përfaqësojë Shkëndija? Festa në Tetovë ishte kuqezi me shqiponjat që fluturojnë në stadium si pjesë e koreografisë së tifozëve”. Sezonin e shkuar Shkëndija u aktivizua në Europa League. Në të gjitha transfertat që mori pjesë, skuadra e Tetovës u mirëprit në gjuhën shqipe “Mirë se vini”, por edhe atëherë mediat sllave u bezdisën!