Kukësi do ta luajë ndeshjen e javës së 34-t në “Zeqir Ymeri”. Aty do të presë Luftëtarin e vendit të tretë, në përpjekje për të marrë pikët maksimale dhe “çimentuar” përfundimisht vendin e dytë në Superiore. Të besuarit e Peter Pacult vijnë pas disfatës në Durrës, ndaj do të kërkojnë të rehabilitohen para tifozëve të vet.
Stërvitja ka vijuar normalisht, ndërkohë që optimizmi nuk mungon, kjo e shoqëruar edhe me një darkë të përbashkët të lojtarëve. Një praktikë e njohur kjo edhe më parë në kampin kuksian. Kësaj here, të premten në darkë, shokët e ekipit kanë qenë të ftuarit e Eni Imamit dhe Bujar Idrizit.
