Ndryshojnë planet për Milan Badelj. I shumëpërfolur për një largim të tij nga Fiorentina në fund të sezonit, futbollisti duket se ka ndryshuar mendje. Me shumë mundësi e ardhmja e mesfushorit do të vazhdojë jetë te vjollcët, pavarësisht interesimit të ekipeve të tjera.
Kroati ka marrë një rol të rëndësishëm në skuadër, pasi pas vdekjes së Astorit shiriti i kapitenit i kaloi pikërisht 29-vjeçarit. Sipas mediave italiane, drejtori sportiv i klubit toskan, Corvino, ka nisur nga puna për rinovimin e kontratës me futbollistin, i cili pritet ta firmosë kontratën e re pas përfundimit të Botërorit që do të zhvillohet këtë Qershor në Rusi.
