Një ngjarje e rëndë ka ndodhur në stadiumin e Kamzës në pushimin e takimit. Shefi i klubit Luftëtari, Gentian Nora, si dhe zv.presidenti Harrallamb Tavo, janë kërcënuar në tribunën VIP pas përfundimit të pjesës së parë. Lajmin e konfirmon ekskluzivisht për “Panorama Sport” vetë Nora.
“Persona që qëndronin afër tribunës VIP erdhën na bënë presion, që ne të detyronim ekipin të linim ndeshjen në pjesën e dytë. Ndërhyri policia dhe situata u qetësua. Është turp i madh. Ikëm nga stadiumi dhe e pamë pjesën e dytë me tifozët”, – tregon Nora.
