Liverpool ka shkuar përetj parashikimeve duke siguruar një vend në finalen e Champions League. Trajneri i “Të Kuqve”, Jurgen Klopp, ka pranuar se nuk e priste që skuadra e tij të arrinte në finale.
“Nuk mendoj se një finale e Champions League mund të planifikohet, për këtë arsye as ne nuk kemi menduar se mund të ishim këtu kur kemi filluar sezonin. Por lojtarët e bënë të mundur”, ka thënë Klopp.
Kjo do të jetë finalja e dytë europiane për trajnerin gjerman në drejtim të Liverpool, duke parë se ai ka udhëhequr skuadrën deri në finalen e Europa League në 2016-ën, ku janë mundur nga Sevilla.
